Գիշերային Երևան

Գեղեցիկ է Երևանը  մանավանդ գիշերով: Իրոք որ մեր քաղաքը գեղեցիկ է օրվա ցանկացած ժամի և ցանկացած եղանակին: Այն չի դադարում իր ընթացքը և ակտիվությունը օրը 24 ժամ: Այս քաղաքը լի է գույներով հատկապես գիշերային ժամերին: Մեզ մնում է միայն քայլել փողոցներով և վայելել գիշերային Երևանի խաղաղ ընթացքը:

Աշնանային ֆոտոշարք

Անձրև: Մշուշ: Տերևաթափ: Մեղմ քամի: Տերյանական մեղեդիներ: Ահա աշնան բնորոշ գծերը: Ոսկեգույնը պարուրում է քաղաքը և ստիպում մեզ ևս մեկ անգամ ժպտալ և հաջողություն մաղթել ջերմ արեգակին: Եղանակը դուրս է կանչում չորս պատերի արանքից և թողնում քեզ զգալ աշնան հաճելի բույրը: Ներկայացնում ենք փոքրիկ աշնանային ֆոտոշարք ...

Կարեն Դեմիրճյանի անվան մարզահամերգային համալիր

Կարեն Դեմիրճյանի անվան մարզահամերգային համալիրը գտնվում է Ծիծեռնակաբերդի բլրի վրա: Այն բաղկացած է երկու մեծ սրահներից` սպորտային և համերգային:

Համալիրը պաշտոնական 2 բացում ունեցավ: Նախ, 1983 թ.-ին տեղի ունեցավ սպորտային հատվածի բացումը: Բացման ժամանակ ամբողջ քաղաքը ցնծում էր: Իրականացել էր Երևանցիների երազանքը` ունենալ լավագույն համալիրը ԽՍՀՄ-ում: Ուրախությունը ոչ միայն բուն երազանքի հետ էր կապված: Վերջապես միասնական ուժերով կառուցվեց մի հսկա շենք, որը կարծես հայի միասնականության դրսևորումն էր:

Մայր Հայաստան հուշահամալիր

Մայր Հայաստանը հուշարձան-համալիր է, որը կառուցվել է ի նշանավորումն ԽՍՀՄ Հայրենական Մեծ Պատերազմում տարած հաղթանակի: Բացվել է 1950 թվականի նոյեմբերի 29-ին Հաղթանակ զբոսայգում: Հեղինակը ԽՍՀՄ ժողովրդական ճարտարապետ Ռաֆայել Իսրայելյանն է: 

Պատվանդանի վրա տեղադրվել էր ԽՍՀՄ ժողովրդական նկարիչ Սերգեյ Մերկուրովի հեղինակած Իոսիֆ Ստալինի 17 մետր բարձրությամբ պղնձե կոփածո արձանը: 1951թ. հեղինակներն արժանացել են ԽՍՀՄ պետական մրցանակի: 1962թ. Իոսիֆ Ստալինի արձանը հանվեց: 1967թ. տեղադրվում է Հայաստանի ժողովրդական նկարիչ Արա Հարությունյանի հեղինակած 22 մետր բարձրությամբ պղնձե կոփածո << Մայր Հայաստան >> արձանը:

Թումանյանի անվան այգի

Դրսում ամառային ուրախ տրամադրություն է: Այս շոգ ամռանը բոլորը շտապում են այնտեղ, ուր կարելի է զովանալ, հանգստանալ և մի փոքր ուրախանալ: Հանգստի յուրահատուկ և հաճելի վայր է Թումանյանի անվան այգին: Սա մի հսկա տարածք է, որտեղ իրենց հանգիստը կգտնեն բոլոր տարիքի մարդիկ: Ձեզ եմ ներկայացնում ամառային ֆոտոշարք` արված Թումանյանի անվան այգում:

Այգին գտնվում է Կիևյան կամրջի հարևանությամբ և ձգվում է Հալաբյան փողոցի երկայնքով: Թումանյանի այգին հիմնվել է 1970թ.` մեծն պոետ Հովհ. Թումանյանի 100-ամյակի առթիվ: 1973թ. այգում տեղադրվել է Անուշի և Սարոյի արձանը:

Հին Երևանի քարե վկաները

Շրջելով Երևանի փողոցներով մենք տեսնում ենք տարբեր դարերի շինություններ: Այս քաղաքում կողք կողքի կտեսնեք 19-րդ 20-րդ և 21-րդ դարի բազմաթիվ շինություններ: Այս ֆոտոշարքում կներկայացնենք մեր քաղաքի ամենահին քարե բնակիչներին, որոնք կառուցվել են դեռևս 19 դարում և 20 դարասկզբին:

Շենքերից որոշները պահպանվել են, որոշները անցել են պատմության գիրկը, իսկ որոշները գտնվում են վթարային վիճակում:

Մոսկովյան պուրակ

Մոսկովյան պուրակը գտնվում է Կենտրոն համայնքում: Այն սկիզբ է առնում Կորյունի փողոցից և ձգվելով Գևորգ Քոչարի փողոցի երկայնքով, ավարտվում է Երևանցիների շատ սիրելի Առագաստ սրճարանի մոտ:

Այս պուրակը ծնվել է Երևանի Կենտրոն թաղային համայնքի և Մոսկվայի Կենտրոն վարչական շրջանի փոխգործակցության արդյունքում:

Հանրապետության հրապարակ

Հանրապետության հրապարակը քաղաքի վարչական կենտրոնի գլխավոր ճարտարապետական համակառույցն է, շքերթների և ժողովրդական հավաքույթների անկացման վայրն է, նաև տրանսպորտային կարևոր հանգույց: 

Ստեղծվել է ըստ Ալեքսանդր Թամանյանի կազմած Երևանի գլխավոր հատակագծի:Կառուցապատվել է 1926-1958թթ.: 

Դավիթ Անհաղթի անվան զբոսայգի

Դավիթ Անհաղթի զբոսայգին գտնվում է Քանաքեռ-Զեյթուն համայնքում, Դավիթ Անհաղթի փողոցի վերջնամասում:

Այգու մուտքի առջև տեղադրված է Դավիթ Անհաղթի հուշարձանը: 

Այն տեղադրվել է 1985 թվականին: 

Ճարտարապետ` Էդուարդ Սաֆարյան

Քանդակագործ` Սերժ Մեհրաբյան

Վարդավառի (Թոխմախի) լիճ

Թոխմախան գյոլ կամ Թոխմախ լիճ կոչվող արհեստական ջրամբարը 

կառուցվել է մ.թ.ա. VIIIդ.։ Թոխմախան լճի մակերեսը կազմում է 8 հա։ Խորհրդային 

տարիներին այն կոչվել է «Կոմերիտմիության», իսկ 2000 թվականից՝ 

«Վարդավառի»

1578թ. Երևանի «Թոքմաք» կամ «Թոխմախ» մականունով Մահմադ կամ 

Մահմմադ խանն այն վերանորոգել է և անվանադիր դարձել լճակին։ Ավանդության 

համաձայն՝ լսելով գեղեցկուհի Աբու-Հայաթի ինքնասպանության լուրը` նրա 

փեսացու Թոքմաք խանն իրեն նետել է այս լիճը ու խեղդվել, որից հետո լիճը կոչվել է 

Թոխմախան գյոլ։

Գրիգոր Լուսավորիչ եկեղեցի

Կառուցվել է երջանկահիշատակ Ամենայն հայոց կաթողիկոս Վազգեն Առաջինի նախաձեռնությամբ՝ նվիրված Հայաստանում քրիստոնեությունը պետական կրոն հռչակելու 1700-ամյակին։ Եկեղեցին կառուցվել է ճարտարապետ Ստեփան Քյուրքչյանի նախագծով։

Այն եկեղեցական համալիր է՝ բաղկացած երեք եկեղեցուց՝ Մայր, Սուրբ Տրդատ թագավորի և Սուրբ Աշխեն թագուհու մատուռներից։ Եկեղեցու մուտքի առջև տեղադրված են 30-ից ավելի կամարներով կառուցված զանգակատունն ու գավիթը։ Գավթում են պահվում Գրիգոր Ա Լուսավորչի մասունքները, որոնք 2000թ. Գարեգին Երկրորդը բերել էր Նեապոլի Սուրբ Գրիգոր Հայի եկեղեցուց։

Երևանը բարձրից

Ձեզ եմ ներկայացնում Երևանյան համայնապատկերների ֆոտոշարք, արված Մոնումենտի բարձունքից: 

Տրոլեյբուսային երթուղիներ

Նյութի աղբյուր` www.yerevan.am

Ստորև ներկայացված են Երևանում ներքաղաքային կանոնավոր ուղևորափոխադրումներ իրականացնող Տրոլեյբուսային երթուղիների ցանկը: Նշեմ, որ ըստ Երևանի Քաղաքապետարանի կողմից մշակված երթուղային նոր ցանցի, նախատեսվում է ավելացնել տրոլեյբուսային երթուղիների քանակը` դրանք հասանելի դարձնելով նաև այն թաղամասերում, ուր էլեկտրատրանսպորտը բացակայում է:

1 ԳԱՐԵԳԻՆ ՆԺԴԵՀԻ ՀՐԱՊԱՐԱԿ - ՋՐՎԵԺ

---

Գ. Նժդեհի հրապարակ (սկ. կ.) - Գ. Նժդեհի փող. - Արշակունյաց պող. - Գր. Լուսավորչի փող. - Մաշտոցի պող. - Կորյունի - Չարենցի փող-ներ (Չարենցի փող.՝ շրջադարձ) - Հերացու փող. - Մյասնիկյան - Գայի պող-ներ - Թևոսյան փող. - Ջրվեժ (վերջ. կ.):
Հետադարձը` նույնը մինչև Հերացու - Կորյունի փող-ներ - Մաշտոցի պող. - շարունակությունը՝ նույն ուղեգծով մինչև Արշակունյաց պող. - Աշխատանքի հրապարակ - Բագրատունյաց պող. - Գ. Նժդեհի հր.:

Գարեգին Նժդեհի հրապարակ

1959թ.-ի ապրիլի 30-ին բացվեց Շենգավիթ համայնքի կենտրոնական հրապարակը, որը մինչև 1991թ. կոչվել է Սուրեն Սպանդարյանի անունով: 1990 թվականին այստեղ կանգնեցվել է Սուրեն Սպանդարյանի արձանը: 1991 թվականից այս հրապարակը և մետրոպոլիտենի կայարանը վերանվանվեցին Գարեգին Նժդեհի անվամբ:

Արձանը.  Հասարակական-քաղաքական գործիչ, գրաքննադատ, լրագրող Սուրեն Սպանդարյանի արձանը տեղադրվել է 1990 թվականին: